Milli Məclisin deputatı, iş adamı Əsabil Qasımovun dünən İsveçrədə qış turizm mərkəzində xizək sürərkən faciəvi şəkildə vəfat edən oğlu 29 yaşlı Elçin Qasımovun nəşinin gətirilməsi üçün müvafiq sənədləşmə işləri həll edilir. Lakin nəşin nə zaman gətiriləcəyi bəlli deyil.
Bu barədə GunAz.az-a millət vəkilinin yaxınları məlumat verib.
Məlumatda bildirilib ki, E.Qasımov Qurd qapısı qəbristanlığında dəfn ediləcək. Hazırda millət vəkili və ailəsinə başsağlığı vermək istəyənlər Ali Məhkəmənin qarşısında qurulan çadırda qəbul edilir.
Yaxınlarının sözlərinə görə, E.Qasımov dostları ilə İsveçdə istirahətə gedib. Hadisənin baş verməsinə səbəb onun xizək sürərkən yüksəkliyə qalxması olub. Hadisə baş verəndə dostları yanında olub.
