Daşkənd vilayətinin Bostanlıq rayonundakı Bildirsay idman kompleksində üç xizəkçi kişi qar uçqunu altında qalaraq həlak olub.
GunAz.az AZƏRTAC-a istinadən xəbər verir ki, bu haqda Özbəkistanın Fövqəladə Hallar Nazirliyi (FHN) məlumat yayıb. Bildirilir ki, gənclər qadağan olunan zonaya daxil olduqdan sonra uçqun baş verib. FHN-in əməkdaşları xizəkçilərin nəşini qarın altından çıxarıblar.
Hadisə ilə bağlı cinayət işi açılıb.