Çərşənbə günü Almaniyada yaşlı Afrika fili günün günorta çağı sirkdən qaçaraq bir müddət şəhərdə sərbəst şəkildə gəzib.
Publika.az "Spiegel"ə istinadən xəbər verir ki, hadisə 65 min əhalisi olan Noyvid şəhərində (Reynland-Pfalts federal torpağı) baş verib.
Məlumata görə, sirkdə filin qaçmasından dərhal xəbər tutmayıblar. "Keniya" ləqəbli heyvan tutulana qədər şəhərdə 1 kilometr hərəkət edib. Hadisə baş verən ərazidə nəqliyyatın hərəkəti dayandırılıb. Heç kim zərər çəkməyib.
