Abşeron rayonunda yolu keçən iki məktəblini maşın vurub.
"Report"un məlumatına görə, hadisə martın 6-sı günorta saatlarında Ceyranbatan qəsəbəsində baş verib.
Dərsdən evə qayıdan iki şagird - 2001-ci il təvəllüdlü Nəzrin Bilal qızı Candirova və 2005-ci il təvəllüdlü Xədicə İman qızı Məmmədzadə naməlum avtomobil tərəfindən vurulub.
Yaralılar dərhal xəstəxanaya çatdırılıb. X.Məmmədzadənin vəziyyəti ağır olduğundan o, reanimasiya şöbəsinə yerləşdirilib.
Faktla bağlı araşdırma aparılır.
