Rusiyanın İrkutsk vilayətində fərdi evdə yanğın baş verib. "İnterfaks” agentliyinə istinadən verilən xəbərə görə, hadisə Nijneudinsk rayonunda qeydə alınıb.
Yanğın zamanı 4 nəfər ölüb. Alov söndürüldükdən sonra ikimənzilli yaşayış evində iki kişi və iki qadının meyiti aşkarlanıb.
Daha iki nəfəri, 69 yaşlı qadını və 47 yaşlı əlil kişini qonşular yanğınsöndürənlər gələnədək xilas edə bilib.
İlkin ehtimala görə, yanğına odla ehtiyatsız davranma səbəb olub.
