İstanbulun Beylikdüzü rayonunda qəzaya uğrayan "Əczacıbaşı” Şirkətlər Qrupuna məxsus "Sikorsky S-76” tipli helikopterdə olan 7 nəfərin heç biri sağ qalmayıb.
Bu barədə Türkiyənin CNN TÜRK telekanalı məlumat yayıb. Helikopterdə iki pilot və 5 sərnişin olub. Artıq sərnişinlərin kimliyi açıqlanıb. Bunlar "Eczacıbaşı Vitra”-nın Rusiya üzrə direktoru Salim Özen, Rusiya vətəndaşları Aleksandır Vanin, İgor Koçergin, Lyudmila Çurova və Yelena Badraqadır.
***
13.24
İstanbulun Beylikdüzü rayonunda qəzaya uğrayan "Əczacıbaşı” Şirkətlər Qrupuna məxsus helikopterdə 4 Rusiya vətəndaşı olub.
Bu barədə Türkiyənin CNN TÜRK telekanalı şirkətə istinadən məlumat yayıb.
Ümumilikdə helikopterdə 2 pilot, 4 Rusiya vətəndaşı və "Eczacıbaşı” Şirkətlər Qrupunun 1 əməkdaşı olub.
***
13.17
İstanbulun Beylikdüzü rayonunda qəzaya uğrayan helikopter "Eczacıbaşı” Şirkətlər Qrupuna məxsus olub.
Türkiyənin CNN TÜRK telekanalına istinadən verilən xəbərə görə, bu barədə şirkət məlumat yayıb.
Helikopterdə 2-si pilot olmaqla, 7 nəfər olub.
Helikopterdə şirkətdə yüksək vəzifə tutan şəxslərin və xarici qonaqların olduğu da bildirilir.
Qəzaya dumanın səbəb olduğu bildirilir.