ABŞ Rusiyanın Ukraynanın şərqindəki addımlarından narahatdır.
GunAz.az xəbər verir ki, bunu ABŞ Dövlət Departamentinin mətbuat katibi Ned Prays deyib.
"Rusiyanın Ukraynanın şərqindəki addımları ötən ilin iyulunda ATƏT-in vasitəçiliyi ilə əldə olunmuş sabitliyi pozur. Bundan başqa biz rus hərbi birləşmələrinin Ukrayna sərhədindəki fəaliyyətləri ilə bağlı ukraynalı hərbçilərdən məlumatlar alırıq. Vaşinqton artan gərginlik və atəşkəs rejiminin pozulması ilə bağlı narahatlıqlarını NATO-dakı müttəfiqləri ilə müzakirə edir”, - Prays bildirib.
Qeyd edək ki, ötən gün Pentaqon da Rusiyanın Ukrayna sərhədinə ordu yığması ilə bağlı narahatlığını bildirmişdi.
