Ermənistan müxalifətinin birləşdiyi "Vətənin xilası hərəkatı” növbədənkənar parlament seçkilərində iştirak etməyəcək.
GunAz.az yerli KİV-ə istinadən bildirir ki, bunu hərəkatın lideri Vazgen Manukyan deyib.
"Nikol Paşinyanın dövründə keçirilən seçkilər Ermənistan üçün fəlakət olacaq. Mən bu seçkidə iştirak etməyəcəyəm”, – deyə müxalifətin baş nazir postuna namizədi bəyan edib.
Bundan əlavə, Ermənistanın sabiq prezidenti Levon Ter-Petrosyan da rəhbərlik etdiyi Erməni Milli Konqresinin növbədənkənar seçkilərə qatılmayacağını elan edib. O, indiki reallıqda erkən seçkidən imtina etdiklərini vurğulayıb.publika.az
