Rusiya Prezidenti Vladimir Putin keçmiş prezident və ailəsi üçün zəmanətləri genişləndirən qanun imzalayıb.
GunAz.az xəbər verir ki, bu barədə Prezidentin mətbuat xidməti məlumat yayıb.
Qanuna əsasən, keçmiş dövlət başçıları toxunulmaz olur və onlar heç bir cinayət və ya inzibati məsuliyyətə cəlb edilə bilməz. Bu qayda eks-prezidentlərin yaşayış və iş yerləri, nəqliyyat vasitələri, rabitə vasitələri, sənədləri üçün də tətbiq olunur.
Keçmiş prezidentlər yalnız dövlətə xəyanətdə və ya digər ağır cinayətlərdə ittiham edilə bilər və bunun üçün keçmiş dövlət başçılarını Federasiya Şurasının sözügedən zəmanətlərdən məhrum etməsi gərəkdir.
