Əgər Azərbaycan və Ermənistan istəyərsə, Rusiya sülhməramlılarının orda olma müddəti artırıla bilər.
Bu sözləri Rusiya lideri Vladimir Putin bu gün keçirdiyi illik mətbuat konfransında deyib.
O bildirib ki, hər iki tərəf istəyərsə, rus sülhməramlılarının sayı da artırıla bilər:
"Sülhməramlıların sayının artırılması bütün tərəflərdən, xüsusilə Azərbaycandan asılıdır. Çünki biz sayla bağlı əvvəlcədən razılaşmışıq”.
Putinin sözlərinə görə, buna ehtiyac olarsa, bir yerdə ediləcək:
"Əgər ehtiyac olmasa, onda etməyəcəyik”.
Qeyd edək ki, Rusiya sülhməramlılarının Qarabağda sayı 1960 nəfər olaraq müəyyənləşib.
