Türkiyə Taliban radikal hərəkatının nümayəndələri ilə Əfqanıstan hökuməti arasında sülh danışıqlarının raundlarından birini keçirməyə hazırdır.
Bu barədə Türkiyənin Xarici İşlər Naziri Mövlud Çavuşoğlu bildirib.
"Hazırda Əfqanıstanın beynəlxalq ictimaiyyətin yardımına hər zamankındən daha çox ehtiyacı var. Biz bu prosesə öz töhfəmizi verməyə, o cümlədən danışıqların bir raundunu öz üzərimizə götürməyə hazırıq. "Asiyanın Ürəyi - İstanbul Prosesi" platforması sülh əldə edildikdən sonra da ölkənin dəstəklənməsi üçün istifadə oluna bilər", - deyə Türkiyənin XİN başçısı vurğulayıb.
