Türkiyə Yunanıstan ilə döyüşsə, türk ordusunun yanında olacağıq.
Bu açıqlama Suriya Milli Ordusundan gəlib.
SMO-nun xüsusi təyinatlı qüvvələri bildirib ki, Türkiyə ilə Yunanıstan arasında müharibə başlasa, cəbhəyə yollanacaqlar: "Türkiyə bizim azadlığımız üçün döyüşdü və şəhidlər verdi. Biz də daim xidmətə hazırıq”.
Bəşər Əsədə sadiq qüvvələrin çox sayda tankını məhv edən "Əbu Tov” ləqəbli raket mütəxəssisi Süheyl Həmmoud Türkiyəyə dəstəyini belə ifadə edib: "Türkiyəyə vəfa borcumuz var. İndi bu borcu ödəmək vaxtıdır. Əgər buna Yunanıstan sərhədinə getmək daxildirsə, sevə-sevə gedərik”.
Qeyd edək ki, Suriya Milli Ordusu Türkiyə Silahlı Qüvvələrinin "Zeytun budağı”, "Fərat qalxanı” və "Sülh çeşməsi”anti-terror əməliyyatlarında iştirak edib.
