İsrailin hakimiyyət orqanları xarici ölkə vətəndaşlarının ölkəyə daxil olmasına qoyduğu qadağanın müddətini daha bir ay – sentyabrın 1-dək uzadıb.
GunAz.az xəbər verir ki, bu barədə aeroportlar idarəsi məlumat yayıb.
"İsrailin aeroportlar idarəsi bütün aviakompaniyaları COVİD-19 infeksiyasının yayılması hallarının artması səbəbindən sərt sərhəd nəzarətinin qüvvədə qaldığı barədə məlumatlandırıb. İsrail pasportu olmayan insanların ölkəyə girişinə qoyulan qadağa avqustun 1-dən minimum sentyabrın 1-nə qədər uzadılıb”, - deyə qurumdan bildiriblər. Məlumatda, həmçinin xarici ölkələrdən qayıdan israillilərin əvvəlki kimi 14 gün karantin rejimində qalacağı vurğulanır", - məlumatda qeyd olunub.
