Türkiyədə son sutkada koronavirusdan 1 492 nəfər sağalıb

Türkiyədə son 24 saat ərzində daha 28 nəfər yeni növ koronavirusdan (COVİD-19) dünyasını dəyişib.

GunAz.az-ın məlumatına görə, bu barədə Türkiyənin səhiyyə naziri Fəxrəddin Qoca öz "Twitter" səhifəsində bildirib.

Nazir bildirib ki, koronavirusdan ölənlərin ümumi sayı 4 397 nəfərə çatıb.

Onun sözlərinə görə, yoluxanların ümumi sayı 158 762 nəfərə çatıb.

Nazir əlavə edib ki, ölkədə koronavirusdan sağalanların ümumi sayı son sutkada 1 492 nəfər olmaqla 121 507 nəfər təşkil edir.

Son sutka ərzində koronavirusla bağlı 19 853 test aparılıb.