Nigeriyada silahlılar kəndə hücum edib.
"Report”un məlumatına görə, bu barədə "Daily Post Nigeria” bildirib.
Qeyd edilir ki, hadisə ölkənin şimalında, Kaduna ştatında baş verib. Silahlı şəxslərin Qoan-Roqo kəndinə hücumu nəticəsində az 17 nəfər həlak olub.
Hadisə zamanı xəsarət alan altı yerli sakininin vəziyyəti ağırdır.
Silahlılar həmçinin kənddən xeyli sayda mal-qara aparıb.
Qeyd edilir ki, hücuma görə Fulani tayfasının silahlı qruplaşması məsuliyyət daşıyır.