"İran İnqilabı Keşikçiləri Korpusunun təqdim etdiyi koronavirusa dair aparatın tiblə heç bir əlaqəsi yoxdur”. Tehranda yerləşən ölkənin ən önəmli elmi mərkəzlərindən olan İranın Fizika dərnəyindən belə açıqlama verilib. Bildirilib ki, cihaz iddia edildiyi kimi nanometr ölçüsündəki hissəcikləri müəyyən etmək iqtidarında deyil.
Qeyd edək ki, İran İnqilabı Keşikçiləri Korpusunun komandanı Hüseyin Salami "Müstean” adlı cihazın koronavirusu 100 metr məsafədən insandan qan nümunələri götürmədən müəyyən etdiyini irəli sürmüşdü. İddialara görə, cihazın koronavirusu müəyyən etməsi üçün 5 saniyə vaxt lazımdır.
