Koronavirusa yoluxan telekanal müxbiri: “Təngnəfəslik əmələ gələndən sonra həkimə müraciət etdim”

Koronavirusa yoluxan Türkiyənin müxbiri Ela Sezen canlı yayımda müsahibə verib.
E.Sezen bildirib ki, koronavirusa ərzaq almaq məqsədilə getdiyi bazarda tutulduğunu ehtimal edir.
Müxbir virusun əlamətləri haqda danışarkən bildirib ki, çoxlarından fərqli olaraq, hərarəti, öskürəyi, boğaz ağrıları olmayıb: "İlk öncə qoxu və dadbilmə hissimi itirdim. Təngnəfəslik əmələ gələndən sonra isə həkimə müraciət etdim. Tomoqrafiya və test analizlərindən sonra nəticələr müsbət çıxdı”.
E.Sezen hazırda özünü yaxşı hiss etdiyini, həkimlərin məsləhəti ilə evdə karantin şəraitində müalicə olunduğunu bildirib.