Ölkədə koronavirusa yoluxan tibb işçilərinin sayı artır

Ukraynada 334 tibb işçisi koronavirusa yoluxub.
Bu barədə Ukraynanın Səhiyyə naziri Maksim Stepanov "Podrobnosti nedeli” televiziya verilişində məlumat verib.
Nazir bildirib ki, Ukraynada 2 203 koronavirusa yoluxmuş xəstənin 334-ü səhiyyə işçisidir. Onların şəxsi mühafizəsi üçün bütün zəruri tibbi avadanlıqlar alınır.
M.Stepanov qeyd edib ki, həkimlərin koronavirusa yoluxması bütün dünyada müşahidə olunan haldır:
"Təkcə İtaliyada 9 000 tibb işçisi koronavirusa yoluxub. Bu, virusa yoluxanların 12 faizi deməkdir”.