Rusiyanın Monqolustan və Qazaxıstan sərhədində yerləşən, eyni zamanda Çin sərhədinə çox yaxın olan Omsk şəhərində insanların koronavirusla bağlı narahatlığı davam edir. Şəhərlərə yaxın ərazilərdə koronavirusa yoluxmuş insanlar aşkarlandıqdan sonra sakinlər qoruyucu maskalardan istifadə etməyə başlayıb.
İnsanlarla sıx təmasda olan taksi sürücüləri isə nüvə fəlakətlərində istifadə olunan xüsusi maska və paltarlarla qorunmağa çalışırlar. Taksiyə minən sərnişinlər qarşılaşdıqları görüntü qarşısında təəccüblü və gülməli anlar yaşayırlar.
Taksi sürücüləri riskli ərazidə olduqlarına görə belə bir tədbirə əl atdıqlarını və bu şəkildə özlərini qorumağa davam edəcəklərini söyləyiblər.
