İranda Təbriz-Sufiyan magistral yolunda avtobus qəzaya uğrayıb. Hadisə nəticəsində bir nəfər həlak olub, doqquz nəfər yaralanıb.
Bu barədə “Tabnak” agentliyi Şərqi Azərbaycan ostanında fövqəladə vəziyyət idarəsinin nümayəndəsi Vahid Şadiniyaya istinadla xəbər yayıb.
Bildirilir ki, səhər saat 6 radələrində baş verən qəza yerinə çoxsaylı təcili yardım maşınları cəlb olunub.
Zərərçəkənlər yaxınlıqdakı xəstəxanalara və tibb mərkəzlərinə çatdırılıblar.
Qəzanın səbəbləri araşdırılır.
