"2019-cu ildə Rusiyanın silah ixracatının həcmi 13 milyard dollara çatıb”.
Bu barədə Rusiya Prezidenti Vladimir Putin açıqlama verib.
Rus lider bunun keçən illə müqayisədə 2 milyard dollar çox olduğunu, Qərbin sanksiyalarına baxmayaraq Rusiyanın qlobal silah bazarındakı mövqeyinin gücləndiyini diqqətə çatdırıb.
O, hazırda Rusiya silah şirkətlərinə ayrı-ayrı xarici ölkələrdən ümumilikdə 50 milyard dollar həcmində silah sifariş olunduğunu da sözlərinə əlavə edib.
Putin eyni zamanda Rusiyanın aidiyyəti qurumlarından xüsusən Afrikaya silah satışlarına diqqət göstərməsini, çatdırılma və ödənişlərdə çevik davranış sərgiləmələrini tələb edib.
GunAz.az
