Sudan Yəməndəki hərbi qüvvələrinin sayının 15 mindən 5 minə endirildiyini bildirib.
GunAz.az xəbər verir ki, bunu Sudanın yeni baş naziri Abdullah Hamduk deyib.
ABŞ səfərindən dönən Sudan baş naziri bildirib ki, Yəməndəki hərbi qüvvələrin sayı 15 mindən 5 minə endirilib və dövlət yerdə qalan qüvvələri də Yəməndən çıxarmaq niyyətindədir.
Abdullah Hamduk Yəmən münaqişəsinin həlli yolunun hərbi olmadığını bildirib.
Qeyd edək ki, Səudiyyə Ərəbistanı 2015-ci ilin martından Yəməndə legitimliyi dəstəkləmək adı ilə bu ölkədə hərbi müdaxiləyə başlayıb. Sudan da Səudiyyə Ərəbistanı hərbi koalisiyasına qoşulub.
N.SAFURA