Türkiyə səudiyyəli jurnalist Camal Kaşıkçının qətli ilə bağlı həqiqətləri üzə çıxarmaq üçün səylərini davam etdirəcək.
GunAz.az-ın "Daily Sabah"a istinadla verdiyi xəbərə görə, bunu prezident Rəcəb Tayyib Ərdoğan "Washington Post" qəzetinə müsahibəsində söyləyib.
Ərdoğan, Kasıkçı sui-qəsdinin 11 sentyabr 2001-ci il terror hücumlarından sonra XXI əsrin ən mübahisəli hadisəsi olduğunu qeyd edib.
"Sentyabrın 11-dən sonra heç bir başqa hadisə beynəlxalq nizam üçün bu qədər ciddi təhlükə yaratmadı və dünyanın qəbul etdiyi konvensiyaları şübhə altına salmadı", o deyib.