ABŞ hökuməti Məhəmməd Cavad Zərifə İranın BMT-dəki rəsmi nümayəndəsi Məcid Təxti-Rəvançiyə baş çəkməyə icazə verməyib.
GunAz.az BBC-ə istinadla xəbər verir ki, ABŞ hökuməti rəsmiləri Cavad Zərifə bildiriblər ki, xəstəxanaya yerləşdirilən iranlı diplomat Məcid Təxti-Rəvançiyə baş çəkmək üçün Tehrandakı bir məhbus azad edilməlidir.
ABŞ-ın Xarici İşlər Nazirliyi xəstələnmiş iranlı diplomata baş çəkmək üçün Cavad Zərif qarşısında belə bir şərtin qoyulmasını təsdiqləyib.
Qeyd edək ki, İranın BMT-dəki nümayəndəsi Məcid-Təxti-Rəvançinin xərçəng xəstəliyindən əziyyət çəkdiyi deyilir. Onun İrana qayıdacağı ehtimal edilir.
Xatırladaq ki, ABŞ hökuməti BMT Baş Assambleyasının 74-cü toplantısına qatılan İran nümayəndə heyətinin hərəkət istiqamətlərinə ciddi məhdudiyyətlər tətbiq edib.
N.SAFURA