ABŞ-ın İranın xarici işlər naziri Məhəmməd Cavad Zərifə qarşı sanksiyaları, Vaşinqtonun onu ölkəsinin qeyri-qanuni nümayəndəsi və fəaliyyətini qanunsuz hesab etməsinin bir işarəsidir. GunAz.az-ın "İnterfaks"a istinadla verdiyi xəbərə görə, bunu ABŞ prezidentinin Milli Təhlükəsizlik Müşaviri Con Bolton "Fox Business"ə verdiyi müsahibəsində söyləyib.
Onun sözlərinə görə, Zərifin ABŞ-dakı bütün aktivlərini dondurulacaq və Amerika vətəndaşları ilə qarşılıqlı əlaqəsi məhdudlaşdırılacaq.
"Bu, prezidentin qəbul etdiyi çox vacib qərardır, bu o deməkdir ki, biz xarici işlər naziri Cavad Zərifi İranın qanunsuz nümayəndəsi hesab edirik", Bolton deyib.
