Estoniya hərbçiləri Rusiya Aerokosmik Qüvvələrinə məxsus Su-34 qırıcısının Baltik respublikasının hava məkanını pozduğunu açıqlayıb.
GunAz.az bu barədə RİA Novosti-yə istinadən xəbər verir.
"Rusiya Aerokosmik Qüvvələrinin Su-34 qırıcısı dünən gecə Vindloo adası ərazisində respublikanın hava məkanına daxil olub. Təyyarə Estoniyanın hava məkanında bir dəqiqədən az qalıb. Su-34-ün uçuş planı təqdim edilməyib. Təyyarə Estoniyanın dispetçer xidmətləri ilə radio əlaqə yaratmayıb", -Estoniya Müdafiə Qüvvələri Baş Qərargahının mətbuat xidməti açıqlayıb.
Baş Qərargahdan verilən məlumata görə, ölkənin Xarici İşlər Nazirliyi bazar ertəsi Rusiyanın Estoniyadakı səfirini nazirliyə çağıraraq etiraz notası verib.
N.SAFURA