Böyük Britaniya Parlamentinin Lordlar Palatası AB ilə razılaşma olmasa Brexit-in təxirə salınmasına dair qanun layihəsini təsdiqləyib. GunAz.az "Anadolu"ya istinadla xəbər verir ki, sənəd sentyabrın 4-də İcmalar Palatası tərəfindən qəbul edilmişdi.
Qanun layihəsi London və Brüssel arasında razılaşma olmasa Avropa Birliyindən Brexit-i təxirə salmağı xahiş etməsinə dair Baş nazir Boris Consonun üzərinə öhdəlik qoyur.
Sənəd kraliça tərəfindən təsdiqləndikdən sonra qüvvəyə minəcək. Bunun 9 sentyabrda baş tutması gözlənilir.
