Türkiyə, İdlibdəki müşahidə postlarının hərbi personalının həyatı üçün hər hansı bir təhlükə yaranarsa özünümüdafiə hüququndan istifadə etməyə hazırdır. GunAz.az "Anadolu"ya istinadən xəbər verir ki, bunu Türkiyənin milli müdafiə naziri Hulusi Akar açıqlayıb.
O qeyd edib ki, Rusiyanın dəstəyi ilə Bəşər Əsəd ordusu İdlibdəki deeskalasiya zonasına havada və qurudan hücum edir.
“Türkiyə ilə Rusiya arasında İdlibə dair razılaşma əldə edildikdən sonra Suriyanın şimal-qərbində qadın və uşaqlar da olmaqla 700-dən çox mülki vətəndaş həlak olub. Türkiyə Silahlı Qüvvələri əlindən gələni edir ki, mülki şəxslərin itkisinin qarşısını alsın.
