S-400 hava müdafiə sistemlərinin əldə edilməsi tərcih deyil, bir zərurətdir. GunAz.az "Anadolu"ya istinadən xəbər verir ki, bunu Milli Müdafiə naziri Hulusi Akar Pentaqonun rəhbəri Mark Esper ilə telefon danışığında bildirib.
"Türkiyə ciddi hava və raket təhdidləri ilə üzləşir. Bu baxımdan S-400 müdafiə sistemlərinin əldə edilməsi seçim deyil, bir zərurətdir", Müdafiə nazirliyinin məlumatında deyilir.
Məlumata görə, Akar qeyd edib ki, Ankara ABŞ-dan Patriot hava müdafiə sistemi ilə bağlı təklifləri də nəzərdən keçirir.
Türkiyə Müdafiə Nazirliyinin rəhbəri, F-35 layihəsinin həyata keçirilməsinin vacib olduğunu vurğulayıb.
