Çorumda bir evdə sobadan sıçrayan qığılcımlar dəhşətli yanğına səbəb olub.
GunAz.az Türkiyə mətbuatına istinadən xəbər verir ki, yanğın nəticəsində 3 yaşlı uşaq yanaraq can verib. Atası, anası və nənəsi isə ağır yaralanıb.
Yanğın zamanı tövlədə olan Dursun Budaq və həyat yoldaşı 35 yaşlı Nurhan Budaq içəridə qalan 3 yaşlı oğlanlarını və yaşlı analarını qurtarmaq üçün yanan evə daxil olublar. Lakin övladlarının həyatını xilas edə bilməyiblər.
