Rusiya özünü və öz maraqlarını ABŞ-dan qorumaq niyyətindədir.
GunAz.az Axar.az-a istinadən xəbər verir ki, bunu BMT Baş Assambleyasının Birinci Komitəsinin iclasında çıxışı zamanı Rusiya Xarici İşlər Nazirliyinin rəsmi nümayəndəsi Andrey Belousov deyib.
"ABŞ bir müddət əvvəl Rusiyanın müharibəyə hazırlaşdığını dedi. Bəli, mən təsdiq edirəm ki, Rusiya müharibəyə hazırlaşır. Biz ərazi bütövlüyümüzü, vətənimizi, prinsiplərimizi, insanlarımızı qorumağa hazırlaşırıq. Fərqimiz odur ki, Rusiya müharibəyə hazırlaşır, ABŞ isə müharibə hazırlayır. Əks təqdirdə ABŞ-ın Orta və yaxın mənzilli raketlərin ləğvi müqaviləsindən çıxması, nüvə potensialını artırması, yeni nüvə doktrinası qəbul etməsi nəyə lazımdır?".
