ABŞ prezidenti Donald Trampı ölkəsinin bayrağının görünüşünü bilməməkdə ittiham edilib.
GunAz.az saytı “RİA Novosti”yə istinadən xəbər verir ki, Trampın Ohayo ştatındakı uşaq xəstəxanalarından birinə səfər edərkən çəkilmiş şəklini Birləşmiş Ştatların səhiyyə naziri Aleks Azar Twitter səhifəsində paylaşıb.
İstifadəçilər Trampın uşaqlarla birgə bayraq rənglədiyi şəkillərə diqqət yetiriblər. Belə ki, onlardan birində onun bayraqdakı üfüqi zolaqları ağ və ya qırmızı olduğu halda, göy boya ilə rənglədiyi görünür.
