Əfqanıstanın şimalındakı Kunduz vilayətində radikal “Taliban” hərəkatının yaraqlılarının hücumu nəticəsində yerli polisin azı 12 əməkdaşı ölüb.
GunAz.az xəbər verir ki, “Taliban” yaraqlıları dünən gecə saatlarında yerli polisin nəzarət-buraxılış məntəqəsinə (NBM) hücum ediblər.
Polis nümayəndəsi hücumun olduğunu təsdiqləyib, amma ölənlər barədə dəqiq məlumat verməyib. Onun sözlərinə görə, yaraqlılar ağır itkilər verdikdən sonra geri çəkilib və təhlükəsizlik qüvvələri NBM-ə nəzarəti ələ almağı bacarıb.
