Türkiyə parlamentinin 24 iyunda seçilən yeni millət vəkilləri 27-ci çağırışa toplanıblar.
GunAz.az xəbər verir ki, yeni millət vəkilləri məclisin ilk iclasında and içiblər.
İclas “İyi Parti”nin millət vəkili Durmuş Yılmazın sədrliyi ilə keçirilib. Parlamentin sessiyasının açılışında prezident Rəcəb Tayyip Ərdoğan da iştirak edib. Parlamentin 600 üzvünün hər biri andiçmə mətnini oxuyub.
Hakim “Ədalət və İnkişaf” partiyasının üzvü Binəli Yıldırım məclis sədri postuna namizəd kimi göstərilib. Parlament spikeri məclisin 12 iyula planlaşdırılan iclasında seçiləcək.
