Vyetnamın şimalında leysan yağışları sel daşqınlarına səbəb olub.
Gunaz.Az xəbər verir ki, hadisə nəticəsində ən azı 17 nəfər həlak olub, 11 nəfər itkin düşüb.
Bir neçə saat əvvəl 7 ölü, 5 xəsarət alan və 12 nəfər itkin düşən barədə məlumat verilmişdi.
Vyetnam mətbuatının xəbərinə əsasən, ən çox Laytyau vilayətində insan təlafatı olub-12 nəfər. Xazyanq vilayətində isə 5 nəfər ölüb.
Hökumət əraziyə 700 xilasedici göndərib. Üç vilayətə dəyən ziyan 3.3 milyon dollardır. 40 evi sel aparıb. 250 evə ciddi xəsarət alıb. 500 evi isə su basıb.
