Fransalı üzgüçü Ben Lekomte Sakit okeanı üzərək keçən ilk insan olmaq istəyir.
Gunaz.az xəbər verir ki, Ben Yaponiyadan artıq marafona başlayıb.
51 yaşlı üzgümü ABŞ-ın qərb sahillərinə çatana qədər 6 aydan çox müddət ərzində hər gün 8 saatını suda keçirəcək. Fransızı səfər əsnasında köpək balıqları, suitilər, fırtına, soyuq okean suyu kimi çətinliklər gözləyir.
Bir qrup alim isə 9 min km-lik səfər əsnasında ağır idman hərəkətlərinin ürəyə təsiri, plastik zibil və Fukuşima nüvə fəlakətinin okeana vurduğu ziyanı araşdıracaq.
ABŞ-da yaşayan Lekomte hədəfi üçün hər gün açıq havada saatlarla idman edib və özünü hazırlayıb.
Qeyd edək ki, fransız üzgüçü 1998-ci ildə 73 günə 6 min 400 km üzərək Atlantik okeanını keçmişdi.
