“Almaniya üçün alternativ” (AdQ) partiyası ölkənin kansleri Angela Merkeli miqrasiya siyasətinə görə məhkəməyə verib.
Gunaz.az Oxu.Az-a istinadla verdiyi xəbərə görə, alman parlamenti (Bundestaq) miqrasiya siyasətinin müəyyənləşdirilməsində iştirak etmək hüququna malikdir.
Partiyada hesab edirlər ki, kanslerin 2015-ci ildə imzaladığı Avstriya-Almaniya arasında sərhədin açılmağı ilə bağlı qərarına yenidən baxış keçirilməlidir.
“Bu şikayət dünyanı dəyişə bilər. Və istənilən nəticəyə gətirib çıxarsa, dünya dəyişəcək”, – deyə partiyanın vəkili Stefan Brandner bildirib.
O, həmçinin vurğulayıb ki, əgər siyasətçilər məqsədlərinə çatsalar, Merkeli istefaya da göndərmək olar.
