Türkiyə prezidenti Rəcəb Tayyib Ərdoğan və BMT-nin baş katibi Antoniu Quterreş arasında telefon danışığı olub.
Gunaz.az “Anadolu”ya istinadən xəbər verir ki, söhbət zamanı Suriya və Fələstindəki vəziyyət müzakirə olunub.
Tərəflər qeyd ediblər ki, Qəzza zolağında İsrailin fələstinlilərə qarşı hərəkətlərinə dünya ictimaiyyəti tərəfindən daha sərt reaksiya verilməlidir.
Ərdoğan və Quterreş BMT-nin İnsan Haqları Şurasının İsraili qınayan qərarı və Qəzza zolağında baş verən hadisələri araşdırmaq üçün müstəqil komissiyanın yaradılmasını müsbət qiymətləndiriblər.
