Rusiyaya məxsus “Su-30SM” qırıcısı Suriyada qəzaya uğrayıb.
Gunaz.az xəbər verir ki, bu məlumatı Rusiyanın Müdafiə Nazirliyi yayıb.
“Son dəqiqələrə qədər təyyarədə olan iki pilot həlak olub”, - deyə məlumatda bildirilir.
Qəza səhər saatlarında Aralıq dənizi akvatoriyası üzərində baş verib. Xmeymim hərbi bazasından havaya qalxaraq yüksəkliyə doğru hərəkət edən qırıcı qəzaya uğrayıb.
İlkin versiyaya görə, qırıcıya atəş açan olmayıb. Ehtimal edilir ki, mühərrikə quş girib.
