Gunaz.az xəbər verir ki, tarixi görüş həftənin cümə günü baş tutacaq.
Kim Çen İn sərhəd xəttini keçərək Cənubi Koreya prezidenti ilə görüşəcək. Tarixi görüşdə əsas müzakirə mövzusu Şimali Koreyanın nüvə silahlarından təmizlənməsi olacaq. Eyni zamanda iki ölkə arasında daimi bir sülh müqaviləsinin imzalanması da gündəmə gələcək.
Cənubi Koreya prezidentinin xüsusi nümayəndəsi bildirib ki, bu zirvə görüşü əsasən nüvə silahlarına aid olacaq və daimi sülh əldə etmək nəzərdə tutulub.
1950-1953-cü illərdə baş verən Koreya Müharibəsindən sonra atəşkəs imzalansa da, daimi bir sülh müqaviləsi imzalanmamışdı.
Bu tarixi görüşdən sonra Kim Çen İn Donald Trampla da görüşəcək.
Görüş necə keçiriləcək?
Cənubi Koreya prezidenti Kim Çen İni sərhəddə qarşılayacaq. Cənubi Koreyanın fəxri qaravulu iki liderə Panmunjom kəndindəki Sülh Evinə qədər müşayət edəcək.
İki lider arasında görüşdən sonra nahar yeməyi veriləcək. Şimali Koreya nümayəndə heyəti sərhədi keçəcək. Günorta saatlarında iki lider sülh simvolu olaraq iki ölkədən gətiriləcək olan su və torpaqla şam ağacı əkəcək. Sonra yenidən görüşlər başlayacaq.
