Suriyanın Hələb şəhərinin Əl-bab mahalında Böyük məscid yaxınlığında bomba yüklənmiş maşın partladılıb.
Gunaz.az xəbər verir ki, Hələb Mülki Müdafiə müdiri Əmmar Selmo hadisə nəticəsində 8 mülki vətəndaşın öldüyünü, 20 nəfərin yaralandığını bildirib. O, yaralıların vəziyyətinin ağır olduğundan ölü sayının arta biləcəyini deyib.
Hələlik heç bir qruplaşma teraktın məsuliyyətini öz üzərinə götürməyib.
Qeyd edək ki, Əl-bab mahalı ötən ilin fevral ayında Türkiyə Silahlı Qüvvələri və Azad Suriya Ordusunun birgə həyata keçirdiyi “Fərat qalxanı” hərbi əməliyyatları nəticəsində İŞİD-dən təmizlənmişdi.
