Mövqeyimizi həmsöhbətlərimizn kimliyinə görə yox, haqlı-haqsız olduğuna baxaraq müəyyənləşdiririk. Zalım öz qardaşımız da olsa, qarşısına çıxmaqdan çəkinmirik
Gunaz.az Axar.az-a istinadən xəbər verir ki, bu sözləri Türkiyə Prezidenti Rəcəb Tayyib Ərdoğan söyləyib. O tarix boyu türklərin yəhudilərə dəstək olduğunu bildirib.
“Ey İsrail, 1492-ci ildə yəhudilər İspaniyadan köç etməyə məcbur ediləndə onlara qapılarını açan biz olduq. 19-cu əsrdə yəhudilər Rusiyada məruz qaldıqları təzyiq qarşısında qurtuluşu Osmanlıya sığınmaqda gördülər.
Biz məzlumların yanında olmağa davam edəcəyik. İlk qibləmiz, göz bəbəyimiz Qüds məsələsində bütün imkanlarımızdan sonuna qədər istifadə edəcəyik. ABŞ-ın bu addımını həm beynəlxalq hüquqa, həm də insanlığa ziddir. Trampın açıqlaması bizim üçün yox hökmündədir”, - Ərdoğan qeyd edib.
