Rusiyada fəaliyyət göstərən Korrupsiya ilə Mübarizə Fondunun (KMF) lideri Aleksey Navalnı ölkə prezidenti Vladimir Putini və onun administrasiyasını məhkəməyə verməyə hazırlaşır.
Gunaz.az xəbər verir ki, bu barədə o, özünün bloqunda bildirib.
Navalnı belə bir addıma səbəb kimi, onun Rusiya şəhərlərində seçiciləri ilə görüşünə razılıq verilmədiyini göstərib. O qeyd edib ki, görüşün təşkili üçün ona alternativ meydança da təklif olunmur.
“Biz məhkəmədə Moskvanın göstərişi əsasında bütün ölkə üzrə şəhər administrasiyalarının mütəşəkkil, sinxron şəkildə davrandığına dəlil gətirəcəyik,” – deyə Navalnı yazıb.
Onun sözlərinə əsasən, bütün göstərişlər şəxsən Putin tərəfindən verilib.
