SON DƏQİQƏ
» » Ermənilərdən ordumuza və mediamıza qarşı təxribat - Foto

Ermənilərdən ordumuza və mediamıza qarşı təxribat - Foto

Tarix:

25-10-2017, 13:18

/ 1 895 dəfə oxundu.
Ermənilərdən ordumuza və mediamıza qarşı təxribat - Foto

Ermənistanda fəaliyyət göstərən Times.az saytı Azərbaycan ordusuna və "Yeni Müsavat" media qrupuna qarşı təxribata əl atıb.

Gunaz.az Musavat.com-a istinadən xəbər verir ki, erməni saytının bugünkü buraxılışında "Azərbaycan hərbçisi Gürcüstana qaçıb" başlıqlı yazı yerləşdirilib. Yazıda media qrupumuza daxil olan rusdilli Minval.az saytına "istinadən" göstərilir ki, azərbaycanlı zabit Valeh Qarayev fərarilik etməyə məcbur olub, çünki o, ya erməni gülləsindən öləcəkmiş, ya da məsuliyyətə cəlb olunacaqmış.

Erməni saytı həmin materialın Minval.az saytında getdiyini "sübut edən" kollaj da hazırlayıb.

Ancaq Minval.az saytının rəhbərliyi bildirir ki, nə göstərilən tarixdə, nə ondan əvvəl, nə də ondan sonra saytda belə bir material yerləşdirilməyib.

Müdafiə Nazirliyinin mətbuat xidmətindən isə bildirirlər ki, "Silahlı Qüvvələrimizdə Valeh Qarayev ad və soyadlı nə zabit, nə gizir, nə də mülki işçi belə yoxdur".

MN-dən belə bir materialın hansısa Azərbaycan saytında dərc olunmadığını bildiklərini, bunun növbəti təxribat olduğunu qeyd ediblər.

Minval.az saytının rəhbərliyi Ermənistan jurnalistikasına müraciət edərək, jurnalistika etikasını unutmamağı və Minval.az-ın adından dezinformasiya yaymamağı tövsiyə edib.

Bundan başqa, məlum olub ki, erməni saytları rus dilində xəbərlər yayan Vesti.az saytına qarşı da bənzər "fəndlər"dən istifadə edərək, bu saytın azərbaycanlı hərbçinin kənd adamları tərəfindən əzişdirildiyini yazdığı yazıblar və yenə də sözlərinin sübutu olaraq "kollaj" düzəldiblər. Vesti.az saytının rəhbərliyi xüsusi açıqlamaya yayaraq saytda belə bir materialın getmədiyini, ermənilərin dezinformasiya yaydığını bildirib.

 

 

скачать dle 12.1

Şərhlər

XƏBƏR LENTİ