Türkiyənin turizm sahəsi dəyişikliklərə məruz qalacaq

Türkiyə turizm sahəsində dünyanın beş aparıcı ölkəsindən biri olmaq niyyətindədir.
GUNAZ.az xəbər verir ki, bunu Trend-ə özəl olaraq Türkiyə Mədəniyyət və Turizm Nazirliyindən bildiriblər.
Nazirlikdən qeyd ediblər ki, bunun üçün Türkiyənin kifayət qədər potensialı var, amma bununla birlikdə ölkənin turizm sahəsində bir sıra əhəmiyyətli islahatların keçirilməsi zəruridir.
Əhəmiyyətli islahatlardan biri Türkiyənin mövsümi turizmdən il boyu turizmə keçməsidir.
Qeyd edək ki, Türkiyə Mədəniyyət və Turizm Nazirliyinin verdiyi məlumata əsasən, bu il Türkiyəyə səfər edən Azərbaycan vətəndaşlarının sayı ötən illə müqayisədə 28,96% artıb. Yalnız bu ilin yanvar-may ayları ərzində Azərbaycandan Türkiyəyə səfər edən azərbaycanlıların sayı 243 421 nəfərə çatıb.