Bu ay moskvalılara robot Puşkin təqdim olunacaq. Publika.az xəbər verir ki, android (insan formalı robot) Aleksandr Puşkinin 600 şeirini əzbərdən deyə biləcək. Robot Puşkin Moskvada baş tutacaq Müasir Rus Ədəbiyyatı festivalı çərçivəsində 11-12 iyunda parkda nümayiş olunacaq.
Robot Puşkin istək əsasında şeirlər səsləndirəcək. Robotun əzbərində təkcə şeirlər deyil, poemalar da olacaq. "Ruslan və Lyüdmila”, "Yevgeni Onegin”i də eşitmək mümkün olacaq. Hətta poema müəyyən hissələrlə də dinlənilə biləcək. Məsələn, kimsə Tatyananın Oneginə məktubunu istəyirsə robot "sevə-sevə” onu oxuyacaq.
Şeirlər kişi səsi ilə oxunacaq. Onlar peşəkar aktyor qiraəti əsasında robota qeyd edilib.
