Ərdoğanın Trampla yaxın zamanda görüşəcəyi gözlənilir
Tarix:
19-04-2017, 08:44
/ 4 043 dəfə oxundu.
Türkiyə prezidenti Rəcəb Tayyip Ərdoğan amerikalı həmkarı Donald Trampla yaxın zaman görüşün keçirilməsinə dair razılaşdığını bildirib. Ərdoğan ABŞ-ın CNN telekanalına müsahibəsində bunu deyib.
"Əlbəttə, məni təbrik edənlər oldu. Çox xoş oldu, Tramp referendumun nəticələri ilə əlaqədar məni təbrik etdi. Biz ABŞ-Türkiyə münasibətlərinin yaxın perspektivdə inkişafından danışdıq, Suriyadakı vəziyyətlə bağlı fikir mübadiləsi apardıq”, - deyə Ərdoğan bildirib.
Türkiyə prezidenti ikitərəfli münasibətlərin inkişafı üçün təkbətək görüşün keçirilməsinin vacib olduğunu qeyd edib. Ərdoğan müvafiq razılaşmanın əldə olunduğunu vurğulayıb: "Biz yaxın zamanda görüşəcəyimizə dair razılığa gəldik”.