Suriya-Türkiyə sərhədində Çeçenistan Respublikasının sakinləri saxlanılıb. Bu haqda Türkiyə Silahlı Qüvvələrinin Baş qərargahından bildirilib. "Kilis vilayəti ərazisində Suriyadan Türkiyəyə qanunsuz keçməyə cəhd göstərən 18 nəfər – 10 kişi, 4 qadın və 4 uşaq aprelin 4-də saxlanılıb. Saxlanılanların arasında Çeçenistan Respublikasından gələnlər də var. Onların üzərində 1,5 kiloqram partlayıcı maddə və iki qumbara aşkar edilib”, - Baş qərargahın xəbərində deyilir. Xəbərə görə, Çeçenistan Respublikasının sakinləri terror aktı törətməyi planlaşdırırdılar.
