İsveçrənin Ankaradakı səfirinin müavini Türkiyə Xarici İşlər Nazirliyinə çağırılıb. Gunaz.az-ın "Anadolu” agentliyinə istinadən verdiyi xəbərə görə, diplomatın çağırılmasına səbəb PKK-nın İsveçrənin paytaxtı Berndə mitinq keçirməsi olub. PKK-nın aksiyasında Türkiyə prezidentinin ünvanına təhdidlər səsləndirilib. İsveçrədə Türkiyədəki referendum əleyhinə keçirilən mitinqdə "Ərdoğana ölüm" şüarları səsləndirilib. İsveçrənin səfiri Valter Xafner Ankarada olmadığından etiraz onun müavininə bildirilib.
