İndoneziyadakı daşqınlar 40 mindən çox insana ziyan vurub. "RİA Novosti” agentliyi xəbər verir ki, ölkənin Bali adasında isə torpaq sürüşməsi nəticəsində ölənlərin sayı 13 nəfərə çatıb. 5 gündür yağan leysan Sumbava adasında çayın daşmasına səbəb olub. Təbii fəlakət nəticəsində ölkənin 7 rayonunu su basıb. 40 mindən çox insana ziyan dəyib. Məlumatda bildirilib ki, su basan iki rayon ərazisində yaşayan 8 mindən çox sakin isə binada ətraf aləmdən təcrid edilmiş vəziyyətdədirlər. Həmin bölgələrə yalnız rezin qayıqlarla getmək mümkündür.
